நவராத்திரி -1

சிவனுக்கு ஒரு இராத்திரி சிவராத்திரி போல் அன்னையை வழிபட ஒன்பது இரவுகளான நவராத்திரி விரதம் இன்று தொடங்குகிறது.Twitter இல் ஒவ்வொரு வரியாக எழுதிக்கொண்டிருக்கவேண்டாமேயென்று இங்கே எழுத நினைத்தேன்.நவராத்திரி,கேதாரகௌரி,கந்தசட்டி என்று 36(=9+21+6) நாட்களுக்கு இங்கே பக்திவெள்ளம் தான் போலும்..:)


வெறுமனே இருக்கின்ற பாடல்களை மட்டும் தேடிப்பிடித்துப்போடாமல் என் பங்குக்கு சிறியதாய் அன்னையை நினைத்து ஏதும் கிறுக்கலாம் என்று நினைத்திருக்கிறேன்..:)


வேலேந்தி நிற்கும் வேலவன் தாயே
சூலமது ஏந்தும் சுடர்க்கொடி நீயே
அகக்கோயில் விளக்காய் வந்தமர்வாயே
அன்பதன் எல்லையே
அன்னையே காளி தாயே

சீர்காழி கோவிந்தராஜனின் கணீர்க்குரலில் வந்த இந்தப்பாடலை தெரியாதவர்கள் இருக்காது என்று நினைக்கிறேன்.இந்தப்பாடலையும் அன்னை துர்க்காதேவியின் பாதங்களில் சமர்ப்பிக்கிறேன்.